በደል ምንድን ነው?

⁉ በደል ምንድን ነው?

          ⁉ በደል ምንድን ነው?

«الَّذِينَ آمَنُواْ وَلَمْ يَلْبِسُواْ إِيمَانَهُم بِظُلْمٍ أُوْلَـئِكَ لَهُمُ الأَمْنُ وَهُم مُّهْتَدُونَ »

[سورة الأنعام : 83 ]

«እነዚያ ያመኑና እምነታቸውን በበደል ያልቀላቀሉ እነዚያ እነርሱ ጸጥታ አላቸው። እነርሱ የተመሩ ናቸው»

[አል አንዓም: 82]

🔐የቃላት መፍቻ፦

፠፤« آمَنُواْ » «ያመኑ» ፦

     ኢማን (እምነት)፦

በቋንቋ ደረጃ እርግጠኛ ከመሆን ጋር እውነት ብሎ መቀበል ማለት ሲሆን።

በሸሪዓ ደግሞ፦  በልብ የሚቋጠር ፣ በምላስ የሚነገር ፣ በአካል የሚተገበር ፣ አላህን በመታዘዝ የሚጨምርና አላህን በማመፅ (ሸይጧንን በመታዘዝ) የሚቀንስ ነው።

፠«يَلْبِسُواْ» ፦ ያልቀላቀሉ።

፠« إِيمَانَهُم »፦ ተውሂዳቸውን።

፠« بِظُلْمٍ » «በበደል»፦

"በደል" ማለት በዚህ አገባብ በሽርክ ማለት ነው።   ማሰረጃውም፦

       ታላቁ ሶሃብይ ዐብደላህ ኢብኑ መስዑድ እንዲህ ብሏል ይህች የቁርኣን አያ (አንቀፅ) በወረደች ጊዜ ሶሃባዎች (ሁሉንም የወንጀል አይነት የሚያጠቃልል መስሏቸው) በጣም ከበዳቸው ፦

የአላህ መልዕክተኛ ﷺ ሆይ!

«ነፍሱን የማይበድል ማነው?  አልናቸው።

እርሳቸውም እንዲህ አሉ፦

(ነገሩ) እናንተ እንደምትሉት አይደለም ።

« እምነታቸውን በበደል  ያልቀላቀሉ» በሽርክ ያልቀላቀሉ ማለት ነው ።

ሉቅማን (ያ መልካም ባሪያ) ለልጁ ያለውን ንግግር አልሰማችሁምን?

«ُ يَا بُنَيَّ لَا تُشْرِكْ بِاللَّهِ إِنَّ الشِّرْكَ لَظُلْمٌ عَظِيمٌ »

[ﺳﻮﺭﺓ ﻟﻘﻤﺎﻥ:  13]

«ልጄ ሆይ!  በአላህ አታጋራ ማጋራት ታላቅ በደል ነውና።»

[ሉቅማን: 13]

📚[አል ቡኻሪይ (3636) ዘግበውታል]

(ዙልም) በደልን በሶስት ዓይነት ከፍለን መመልከት እንችላለን፦

1· ሽርክ① (አንድ ሰው ራሱን የሽርክ ወንጀልን በመስራት መበደል)

2· አንድ ሰው ራሱን መበደል (ከሽርክ ውጪ ያሉ ወንጀሎችን በመስራት)

3· አንድ ሰው ሌላን አካል መበደል

፠« لَهُمُ الأَمْنُ » «እነርሱ ጸጥታ አላቸው »

«አምን» በሚለው የተፈለገበት፦

     አንድ ሰው ተውሂድን በአግባቡ ከማረጋገጥ  ጋር ከሽርክ ውጪ ያሉ ከባባድ ወንጀሎች ላይ እስካልዘወተረ ድረስ እሳት ከመግባት ነፃ መውጣት።

እንዲሁም፦

  ተውሂድን በአግባቡ ከማረጋገጥ  ጋር ከሽርክ ውጪ ያሉ ከባባድ ወንጀሎችን በመስራት የዘወተረ ከሆነ ደግሞ ጀሀነም ውስጥ በዘውታሪነት (ዘለዓለም) ከመቀጣት ነፃ መውጣት ነው። በወንጀሉ ልክ ተቀጥቶ  ጀነት ተመልሶ ይገባል።

፠« مُّهْتَدُونَ » «የተመሩ ናቸው»፦

(ማለትም)

እነርሱ በዚህች ቅርቢቱ ዓለም (ዱንያ) ሀቅ (እውነትን ) ያወቁና በእርሱም የሰሩ ናቸው።

፠፠፠   ፠፠፠ ፠፠፠  ፠፠፠ ፠፠፠ ፠፠፠

①[ጥብቅ እርምት ፦

    ሰዎች ዘንድ በብዛት ተሰራጭቶ የሚገኝ የተሳሳተ ገለፃ አለ እርሱም የዙልም ዓይነቶችን ሲጠቅሱ አንደኛውን አይነት "ሽርክ" በሚለው ፋንታ "የሰው ልጅ ጌታውን መበደል" በማለት መግለፅ ነው።

     ይህ የተሳሳተ አገላለፅ ነው። የሰው ልጅ ጌታውን ፈፅሞ ሊበድል አይችልም ታላቁን ወንጀል ሽርክ እንኳን ቢሰራ ነፍሱን እንጂ አላህን በደለ አይባልም። አላህ በፍጡራኖቹ ከመበደል የጠራና የላቀ አምላክ ነው። ስለሆነም "የሰው ልጅ ጌታውን መበደል" ሳይሆን "ሽርክ" በሚለው መታረም ይኖርበታል።]

📚 [ምንጭ ፦«አል ጀዲድ ፊ ሸርህ ኪታቡ ተውሂድ ገፅ 26 » ተጨማሪ ሀሳቦች ታክለውበት]

✒ ሀይደር ኸድር (አቡ ሀማድ)                  

ــــــ ❁ ❁❁ ❁ ــــــ     

✍ ዳሩል ↘ ኢህሳን

⌛https://telegram.me/DarulIhsan   

https://www.facebook.com/darulihsaan

‪#‎የቫለንታይንስ_ቀንን_በተመለከተ_የኡለማዎች_ፈትዋ!

‪#‎የቫለንታይንስ_ቀንን_በተመለከተ_የኡለማዎች_ፈትዋ!

ብዙዎቻችችን እንደምናውቀው (በፈረንጆቹ የጊዜ ቀመር 2ኛው ወር) February የፍቅር ወር በመባል መከበር ከጀመረ ረጅም ጊዜያትን አስቆጥሯል::ይህም የቅዱስ ቫለንታይን ቀን በመባል ይታወቃል:: ዛሬ ላይም የምናየው (የበዓሉ ስርአት) የጥንት ሮማኖችን እና የክርስትያኖችን ባህል ቅሪት ይዞ እናገኛለን::በመሆኑም ከተለያዩ ምክንያቶች አንጻር ለሙስሊሞች ማክበር ክልክል ይሆናል።

1 በመጀመሪያ ይህ በሸሪዓ ምንም ዓይነት መሰረት የሌለው የፈጠራ ተግባር ነው:: በሸሪዓ መሰረት የሌለውን ተግባር መፈጸም ደግሞ የተወገዘ ክልክል ነው:: በመሆኑም ይህ ጉዳይ እናታችን አዒሻ ካስተላለፈችው ሀዲስ ውስጥ ይካተታል የአላህ መልዕክተኛ (صلى الله عليه وسلم) ተከታዩን ተናግረዋል
‹‹በዚህ በዲናችን ላይ ከርሱ ያልሆንን ያመጣ (ሰው) ስራው ተመላሽ ነው፡፡ (ተቀባይነት አይኖረውም)›› (ቡኻሪ እና ሙስሊም ዘግበውታል)
ውድቅ ተግባር በመሆኑ ወደ ሰሪው አካል ተመላሽ ይሆናል።

2 ይህ በዓል መሰረቱ ሙስሊም ካልሆኑ አካላት ነው። ስለዚህም በዚህ ተግባር መሳተፍ ለነርሱ እውቅና መስጠት በጉዳያቸው ላይ አድናቂ መሆን እንዲሁም በሚያደርጉት ተገባርም ላይ መተባበር እና ከነርሱ ጋር መመሳሰል ማለት ነው። ይህን ተገባር መፈጸም ደግሞ የመልዕክተኛው (صلى الله عليه وسلم) ትዕዛዝ ለመዳፈር ወደዛቱበት ቀይ መስመር ውስጥ ለመግባት ይዳረጋል ከከሃዲያን ጋር መመሳሰልን እንዲህ ሲሉ አስጠንቅቀዋል
‹‹ከህዝቦች የተመሳሰለ እረሱ ከነርሱ ነው፡፡›› (አቡ ዳውድ ዘግበውታል)

3 በዚህ በዓል ላይ የተለያዩ ሸሪዓ የከለከላቸው ተግባራት ተፈጻሚ ይሆናሉ ከብዙ በጥቂቱ ፓርቲዎች ይዘጋጃሉ ፣ ሙዚቃዎች ፣ የተለያዩ የብልግና ተግባራት ፣ ስርአት አጥነት እንዲሁም ልቅ የሆነ የወንዶችና የሴቶች መቀላቀል በዋናነት የሚጠቀሱ ናቸው። እነዚህ ተግባራት ደግሞ ሸሪዓ አምርሮ የሚቃወማቸው መጥፎ ተግባራት ናቸው። በመሆኑም ስለ ራሱ የሚጨነቅ ማንኛውም ሰው ከነዚህ ስርአት አጥነት ከሚስተዋልባቸው ዋልጌነት ከተንሰራፋባቸው መጥፎ ተግባራት ራሱን ሊቆጥብ ይገባል።

4 ይህ ተግባር የሰዎችን አዕምሮና ልብ በውሸት ነገሮች ቢዚ እንዲሆን የሚያደርግ እንዲሁም ከነዛ ምርጥ እና ጻድቅ የነበረሩ አርአያ ትውልዶችን ፋናን የሚጻረር በመሆኑ ዛሬም ላይ ቢሆን ከዚህ በዓል ጋር ተያያዢነት ያላቸውን ልማዳዊ ተግባር መፈጸም ክልክል ይሆናል::ማለትም ምግቦች፣ መጠጦች ፣ ልብሶች እንዲሁም የስጦታ ልውውጦችን እና መሰል ተገባራትን ያጠቃልላል። ሙስሊሞች በሀይማኖታችን ልንኮራ ይገባል። ደካማዎችና የጮሃን ሁሉ ተከታይ መሆን የለብንም።

‪#‎ማሳሰቢያ
በዚህ በዓልም ይሁን በ ሌሎች ክልክል በሆኑ በዓላት ላይ በማንኛውም መንገድ እነርሱን መተባበር ለሙስሊሞች የተከለከለ ነው። ምግብ ና መጠጥ የስጦታ እቃዎች በመግዛት ፣በመሸጥ ፣በማዘጋጀት ፣ በማከፋፈል ፣ በማስተዋወቅ እንዲሁም በሌሎች ማንኛውም መንገዶች መርዳት ክልክል ነው። ምክንያቱም እንዚህ ሁሉ በመጥፎ ተግባራት አንዱ ለሌላው ደጋፊ እንደሆኑ ይቆጠራሉና ነው። የአላህና የመልዕክተኛውን ህግ ለመጣስና ለመተላለፍ ተባባሪ መሆን አይገባ አላህ እንዲህ ይላል

<<በበጎ ነገርና አላህን በመፍራትም ተረዳዱ፡፡ ግን በኃጢአትና ወሰንን በማለፍ አትረዳዱ፡፡ አላህንም ፍሩ፡፡ አላህ ቅጣተ ብርቱ ነውና፡፡>>（5：2）

በመሆኑ ራሳችንንም ሆነ ቤተሰቦቻችንን ከዚህና መሰል በሸሪዓ መሰረት ከሌላቸው ተግባራት በመቆጠብ የራሳችንንም ክብር እንዲሁም በዚህ ምድር ላይ ስንኖር ያለንን ብቸኛ አንጡራ ሀብታችን የሆነውን ዲናችንን ከብክለት ልንጠብቅ ይገባል። የመዕልክተኛውን ሱናህ አጥብቀን በመከተል የከሃዲያንን መንገድ ልንርቅ ይገባናል፡፡

ሙስሊሞችን በጠቅላላ ከውጫዊም ሆነ ውስጣዊ ከሆኑ መጥፎ ተግባራት እንዲጠብቀንና በእምታችን ላይ ጽናት እና ብርታት እንዲሰጠን አላህን እማጸነዋለው። አላህ የተሻለ ያውቃል።
ማስታወሻ፦ ይህን ጽሁፍ ያዘጋጀሁት የተለያዩ ዑለማዎች ስለዚህ በዓል ተጠይቀው የሰጡትን ፈትዋ መሰረት አድርጌ ሲሆን ። የመልእክት መደጋገም እንዳይኖርና ለንባብ አሰልቺ እንዳይሆን ፍሬ ነጥቦችን አሳጥሬ ለማውጣት ሞክርያለው። ባለማወቅም ይሁን በመዘንጋት የተሳሳቱ ሙስሊም ወንድምና እህቶችን ማረሚያና መገሰጫ እንዲሆን ጌታዬን በመልካም ስሞቹና በሙሉባህሪዎቹ እማጸነዋለው።

Haider Khedir (Abu Hammad)